News | CAD Dudelange

Championnat fir Grouss a Kleng

Nadine Kremer — Fri, 31 Jul 2026 17:59:41 +0000

Enn Juni huet eis Nowuesstalenter um Jugendchampionnat virgeluecht. Wéinst der Canicule war dësen ob zwee Weekender opgedeelt ginn.
Den CAD konnt ganzer 38 Medailen gewannen, dovun 12x Gold.
Hei fannt dir d’Resultater.

Ee Mount drop war et dunn un de Senioren, déi 17 Medaile mat heemgeholl hunn.
Hei och hir Resultater.

An domat geet et elo an déi wuelverdéngte Summerpaus.

Groussaartege Coupe-Weekend fir den CAD!

Claude Schaeffer — Mon, 13 Jul 2026 20:40:44 +0000

Fir d’éischt säit 2019 huet den CAD dëse Weekend nees eng Coupe gewonnen… an fir d’éischt iwwerhaapt an der Veräinsgeschicht ass et d’Härenekipp déi d’Coupe d’Athlétisme du Luxembourg (déi fréier Coupe du Prince) mat op Diddeleng brengt! An den Dag virdrun hunn eis Dammen eng exzellent 2. Plaz beluecht… Mega-Resultat vun eisen zwou Ekippen!!

De Podium bei den Hären gesäit esou aus:
1. CAD mat 15 520 Punkten
2. CAB mat 15 101 Punkten
3. CSL mat 15 026 Punkten

A bei den Dammen war dëst de Podium:
1. CSL mat 12 293 Punkten
2. CAD mat 11 586 Punkten
3. FOLA mat 11 574 Punkten

Félicitatiounen un déi zwou Ekippen fir déi super kollektiv Leeschtung – den CAD, eng grouss Famill !

Biller vum Josée Lorsché

Championnater an international Selektiounen

Nadine Kremer — Sun, 21 Jun 2026 18:55:04 +0000

Ënn Mee waren zwee vun eisen Athlete mat der National Ekipp ob den European Challenger Championships zu Monaco.
D’Noémie ass mat 50m17 am Speer dat 4t ginn an d’Fanny dat 6t ob der 1500m an 4:32.46.
Hei sinn d’Resultater vun deem Meeting.

Eng Woch drop war dann den éischte wichtege Rendez-vous fir d’Ekippe Klassement zu Lëtzebuerg: den Interclub vun de Senioren.
Den CAD huet sech zu Ettelbréck gutt geschloen a konnt mat enger zweeter Plaz bei den Damen an enger drëtter bei den Hären iwwerzeegen.
Am Gesamtklassement ergëtt dat eng zweet Plaz hannert dem CSL.
Hei fannt dir all d’Resultater vun eisen Athleten.

Dëse Weekend war virun allem eis Jugend ob de Mehrkampf Meeschterschaften am Asaz. Ervir ze hiewen ass, dass mir bei de Männer all d’Titelen ofgeraumt hunn: de Mex gewënnt bei de Cadets, den Dylan bei de Junioren an de Jon bei den Espoirs – alleguer mat PB. Och d’Laura konnt bei de Cadettes ob de Podium klammen (2. Plaz).
Hei sinn d’Resultater.

1 Mount voller Coursen

Nadine Kremer — Sun, 21 Jun 2026 18:23:10 +0000

De leschte Mount sinn eis Laangstrecke Leefer bal all Weekend ob Coursë gestart an hunn eng Rei gutt Resultater:
9.5 Mondorf Run
12.5 Lampertsbierger Laf
17.5 Pliezhausen – d’Fanny leeft PB a neie Klubrekord ob der 3000m an 10:02,55
25.5 Low point Run
6.6 Berdorfer Laf – de Kevin huet d’13km gewonnen!
7.6 Tëtelbierg Trail
14.6 Widdebierglaf
19.6 GIO Run
3.7 BIS Trail

Interclub eemol anescht : „Leben wie im Süden“

Nadine Kremer — Sat, 23 May 2026 13:51:20 +0000

Och dëst Joer war den CAD erëm beim Interclub vun den Diddelenger Veräiner dobäi.
No enger Paus am leschte Joer an dräi Victoiren an de Jore virdrun, war d’Missioun kloer: Titelverdeedegung – dës Kéier mat enger neier, jonker Equipe.
Um Enn ass eng super zweet Plaz erausgesprongen. Gléckwonsch dem Klenge Stemmveräin fir hiren Erfolleg – et war alt erëm eng spannend Finale géint iech.

Merci och der Gemeng fir d’Organisatioun, eise Supporter fir d’Uféieren an den aneren dräi Veräiner déi deelgeholl hunn

Judo Diddeleng
Dëschtennis Diddeleng
CNDu

Et war eis wéi ëmmer eng Freed, bis nächste Kéier, wa mir probéieren eisen Titel zeréckzegewannen !

Interclub Jeunes / Interclub Senior

Nadine Kremer — Sat, 23 May 2026 13:17:26 +0000

Aktuell ass et roueg gi Weekends an de Liichtathletik Stadien – et ass eng Meeting Paus virum Interclub vun de Senioren, deen de 6 a 7 Juni zu Ettelbréck ausgedroe gëtt. An der Woch trainéieren eis Athleten awer fläisseg fir sech do an hirer beschter Form ze präsentéieren.
Hei fannt dir den Zäitplang.

Virum Interclub Senior ass e gudden Zäitpunkt fir ob den Interclub Jeunes Enn Abrëll zu Schëffleng zeréckzekucken, wou eis Jugend exzellent virgeluecht huet:
2. Plaz bei de Jongen
3. Plaz bei de Meedercher
= 2. Plaz am Total
Hei fannt dir d’Resultater.

Staffelchampionnat / Jugendheckechampionnat / Challenge Tageblatt 3 / Prix U16

Claude Schaeffer — Tue, 05 May 2026 06:06:37 +0000

Staffelchampionnat
Jugendheckechampionnat
Challenge Tageblatt 3 + Prix U16

Datum: 08.05.2026 18:30 – 20:30 an 09.05.2026 12:45 – 17:00

Uert: INS Stadion, Cents

SELTEC LA-Portal (Startlëschten a Resultater):
Championnats nationaux de relais
Championnats nationaux haies Jeunes

LA.net 3 Umeldungen:
Championnats nationaux de relais (zou)
Championnats nationaux haies Jeunes (zou)
Challenge Tageblatt 3 + Prix U16 (zou)

Resultater (PDF)
Championnats nationaux de relais
Championnats nationaux haies Jeunes
Challenge Tageblatt 3 + Prix U16

Werfermeeting

Claude Schaeffer — Sat, 02 May 2026 20:30:00 +0000

Werfermeeting

Datum: 02.05.2026 14:00

Uert: Werferterrain, Zoufftgen

LA.net 3 Umeldungen: https://lanet3.lu/NewRegisterDetails/false/13757

Kuckt Iech hei de Programm vum Meeting an d’Aschreiwungen um LA Portal vu Seltec un.

Kuckt Iech hei d’Resultater vum Meeting un.

Den CAD aktiv an der Aféierung vun de Kanner an de Sport

Claude Schaeffer — Tue, 21 Apr 2026 15:55:43 +0000

Duerch de Projet ‘FUNdamentals Team Lëtzebuerg’, ënnert der Initiativ vum INAPS, haten d’Kanner zu Diddeleng d’Geleeënheet, aktiv ze ginn, Spaass ze hunn an nei Sportaarten ze entdecken.

Iwwert e puer Woche goufen eng Rei Aktivitéite fir d’Kanner an de Maisons Relais organiséiert. Ënner de Veräiner déi matgewierkt hunn, huet sech de Cercle Athlétique Dudelange duerch säin Engagement an säin Investissement op der Plaz, a Partnerschaft mat der Maison Relais Brill, erviirgedoën.

Duerch flott a zougänglech Atelieren, geleet vun eisem Coach Isabelle Bourscheid, huet de Club de Kanner d’Méiglechkeet ginn, d’Liichtathletik auszeprobéieren, wärend si hir motoresch Fäegkeeten, Koordinatioun a Selbstvertrauen entwéckelt hunn. Säin Engagement huet eng Schlësselroll am Succès vum Projet gespillt.

Zesumme mat anere lokale Veräiner huet den CAD dozou bäigedroen, de Kanner d’Léift zum Sport an de Wonsch no Aktivitéit ze vermëttelen.

Photoën: Marc Lazzarini / Standart / Ville de Dudelange