Folgend Alterskategorien ginn zu Lëtzebuerg an der Liichtathletik benotzt fir d'Saison 2024 (vum 01.11.2023 bis den 31.12.2024):

Gebuer 2017 - 2019: U8 Ludique (*)
Gebuer 2015 - 2016: U10 Benjamin:e
Gebuer 2013 - 2014: U12 Débutant:e
Gebuer 2011 - 2012: U14 Scolaire
Gebuer 2009 - 2010: U16 Minime
Gebuer 2007 - 2008: U18 Cadet:te
Gebuer 2005 - 2006: U20 Junior
Gebuer 2002 - 2004: U23 Espoir
Gebuer 2001 a virdrun: Senior:in

(*) Mäer huelen Kanner ab 5 Joer an en halleft un.

Virumeldung online duerch Matdeelen vun:

– Numm a Virnumm
– Gebuertsdatum a Gebuertsuert
– Geschlecht
– Nationalitéit(en)
– Foto
– Telefonsnummer
– Postadress
– E-Mail vum Sportler (optional)
– E-Mail-Adresse vun der Persoun déi umellt
– Telefonsnummer vum Tuteur fir Mannerjäreger
– Numm, Virnumm vum Tuteur fir Mannerjäreger
– Geschwate Sproochen (opt.)

No dëser Virumeldung recommandéieren mäer en Trainingstest an e Gespréich bei dëser Geleeënheet.

Däer kënnt entweder eng Fräizäitlizenz (license loisir) oder eng Wettkampflizenz (licence compétition) ufroen.

Mat der Wettkampflizenz kënnt Däer un de verschiddenen nationalen Meeschterschaften (Strooss, Cross Country, Piste an Hal) deelhuelen. Däer musst e Médico sportif bestoen. De Rendezvous kënnt Däer Iech huelen wéi et Iech am beschten arrangéiert.

Mat der Fräizäitlizenz braucht Der kee Médico sportif ze passéieren an Däer kënnt just op Stroosseleef deelhuelen. Eng Fräizäitlizenz kann op einfach Ufro hin an eng Wettkampflizenz ëmgewandelt ginn, ënnert der Bedingung, datt e Médico sportif bestanen gouf. De Wiessel vun enger Wettkampf- op eng Fräizäitlizenz ass nëmmen an der Period tëscht dem 16. an dem 31. Oktober méiglech.

A béide Fäll si Der iwwert de Lëtzebuerger Liichtathletikverband (FLA, Fédération Luxembourgeoise d’Athlétisme) verséchert.

Mäer wëllen drop opmierksam maachen datt déi järlech Members-Kotisatioun obligatoresch ass, fir d’Umeldung als Athlet ze bestätegen. D’Members-Kotisatioun berechtegt Iech zu enger Lizenz, enger Versécherung an zu engem obligatoreschen Dossard bei Kompetitiounen.