D’Coupen – de leschten groussen Optrett vun der Saison

De Weekend (17+18.09.2022) war de leschte grousse Rendezvous-vous vun der Saison : D’Coupe des Dames an d’Coupe du Prince.

Eis Dammen hunn Samschdes gutt virgeluecht an trotz deziméierter Equipe vu just 14 Athletinnen eng excellent zweete Plaz gemaach mat 9.393 Punkten. Qualitéit ass nu emol meeschtens méi wäert wéi Quantitéit.
Déi komplett Resultater fannt dir hei : https://www.laportal.net/Competitions/Details/8060

Eis Härenequipe war nach méi kleng a leider net komplett besat. Dat huet eis Athleten awer ëmsou méi motivéiert an dank hire ville Beschtleeschtunge koumen duerno 13.651 Punkten zesummen, wat enger staarker 5. Plaz am Endklassement entsprécht.
Déi komplett Resultater fannt dir hei : https://www.laportal.net/Competitions/TeamResultList/418710/8061