Member ginn?
Wéi kann ech Member ginn?
Wéi kann ech Athlet am Klub ginn?
Folgend Alterskategorien ginn zu Lëtzebuerg an der Liichtathletik benotzt fir d'Saison 2025 (vum 01.01.2025 bis den 31.12.2025):
Gebuer 2018 - 2020: U8 Ludique (*)
Gebuer 2016 - 2017: U10 Benjamin:e
Gebuer 2014 - 2015: U12 Débutant:e
Gebuer 2012 - 2013: U14 Scolaire
Gebuer 2010 - 2011: U16 Minime
Gebuer 2008 - 2009: U18 Cadet:te
Gebuer 2006 - 2007: U20 Junior
Gebuer 2003 - 2005: U23 Espoir
Gebuer 2002 a virdrun: Senior:in
(*) Mäer huelen Kanner ab 5 Joer an en halleft un.
Däer kënnt entweder eng Fräizäitlizenz (license loisir) oder eng Wettkampflizenz (licence compétition) ufroen.
Mat der Wettkampflizenz kënnt Däer un de verschiddenen nationalen Meeschterschaften (Strooss, Cross Country, Piste an Hal) deelhuelen. Däer musst e Médico sportif bestoen. De Rendezvous kënnt Däer Iech huelen wéi et Iech am beschten arrangéiert.
Mat der Fräizäitlizenz braucht Der kee Médico sportif ze passéieren an Däer kënnt just op Stroosseleef deelhuelen. Eng Fräizäitlizenz kann op einfach Ufro hin an eng Wettkampflizenz ëmgewandelt ginn, ënnert der Bedingung, datt e Médico sportif bestanen gouf. De Wiessel vun enger Wettkampf- op eng Fräizäitlizenz ass nëmmen an der Period tëscht dem 16. an dem 31. Oktober méiglech.
A béide Fäll si Der iwwert de Lëtzebuerger Liichtathletikverband (FLA, Fédération Luxembourgeoise d’Athlétisme) oder iwwert d’FLTri (Fédération Luxembourgeoise de Triathlon) verséchert.
Fëllt w.e.g. dëss Demande-Formular aus, a vervollstännegt et mat enger Kopie vun der Carte d’identité a mat enger Passfoto, a kommt emol op eng Trainingssessioun. Do kënnt Der d’Formular ofginn, awer virun allem mat engem vun eisen Trainer:innen schwätzen.
Parallel kënnt Der eng Visite am Medico-Sportif ufroen, wann Der eng Wettkampflizenz wëllt.
Mäer wëllen drop opmierksam maachen datt déi järlech Members-Kotisatioun obligatoresch ass, fir d’Umeldung als Athlet ze bestätegen. D’Members-Kotisatioun berechtegt Iech zu enger Lizenz, enger Versécherung an zu engem obligatoreschen Dossard bei Kompetitiounen.
Wéi kann ech Member ginn?
Einfach andeems Däer eis Äre Numm, Virnumm, Adress, e-Mail (opt.) gitt, an Däer déi järlech Members-Kotisatioun vun 15€ bezuelt. Däer kritt dann eng Memberskaart zougeschéckt.
Kontaktformular:
Bezuelt w.e.g. einfach iwwert Payconiq andeems Der dëse QR-Code scannt soubal Der Är Angaben iwwert de Kontaktformular geschéckt hudd:
Payconiq:

Wévill kascht et?
Hei sinn déi aktuell gülteg Tariffer fir eng Memberschaft am CAD. Jee no Kategorie ass den Tarif ënnerschiddlech.
Ab der Saison 2025 gëllen dës Tariffer fir d’Cotisatioun fir vum 01.01. bis den 31.12.:
- Membre donateur: 15€
- Offiziellen: 20€
- FLA-Lizenzéiert U12 bis Masters: 80€
- FLA-Lizenzéiert U8 an U10: 100€
- FLTri-Lizenzéiert (*): 100€
A fir d’Cotisatioun vum 01.07. bis den 31.12.:
- FLA-Lizenzéiert U12 bis Masters: 40€
- FLA-Lizenzéiert U8 an U10: 50€