Zweete Podium fir de Sven Remakel um Uewersauer Trail

Nom Optakt vun der Crosssaison leschte Weekend stoungen och dëse Weekend erëm Diddelenger Leefer um Depart. Fënnef Athlete vum CAD ware fir den Uewersauer Trail ugemellt. No gudde Leeschtungen op den 11,3km an den 30,5km, konnt virun allem de Sven Remakel op den 51,8km iwwerzeegen. An enger Zäit vu 4:09:14 koum hie knapps hannert dem Pitt Schneider vun der Fola un. Domat ass hien um Enn op déi zweet Träppchen geklomme a konnt sech des Saison schonn iwwer säin zweete Podium freeën.