Interclubs Jeunes

Leschte Weekend (30 Abrëll 2022) stoung mam Interclubs Jeunes den éischte wichtege Meeting an der Equipe um Plang. Eis Meederchers Equipe ass trotz villen Ausfäll deziméiert, mee ganz staark opgetrueden an ass op eng excellent 4t Plaz komm. Bei de Jonge si mer op enger gudder 8. Plaz gelant, op déi mir ganz zum Schluss erof gerutscht sinn, nodeems eis 4x100m Staffel verletzungsbedéngt net an d’Zil komm ass. Eisem Leefer op dëser Plaz eng gutt Besserung gewënscht.
Ervir ze hiewen ass bei de Meedercher d’Lilly Gerhard, dat dräi éischt Plaze beluecht huet : Speer (46m32 – PB), Kugel (12m37), Héichsprong (1m53). Bei de Jongen ass de Matteo Bellucci mat 52,23 Sekonnen op de 400m staarken Drëtte ginn an de Melvin Spoden huet op senger alleréischter 400m Hürden Course mat 64,75 Sekonnen eng super Leeschtung bruecht.

Save the date
De 14. a 15. Mee geet et weider mat den Interclubs Senior um Kennedys Terrain, wou eis Athleten sech iwwer är Ënnerstëtzung freeë géifen.